Malungkot kong binabalita na hindi na matutuloy ang pangalawang henerasyong pagsasanay ng Ateneo de Naga University (ADNU) para sa “Matematika sa Makabagong Daigdig” (MMD) na binanggit ko sa isang lumang post. Isang guro lang kasi ang humiling na maging kalahok sa pasasanay para sa MMD (ang kurso tungkol sa matematika na ituturo sa wikang Filipino sa bagong pangkalahatang edukasyon na kurikulum). Pumayag itong guro na ito na maging kalahok sa pagsasanay para sa “Mathematics in the Modern World” (MMW) (ang kurso na ituturo sa wikang Ingles).
Ang unang balak ng ADNU ay isa lang ang magtuturo ng MMW (si Marivic Fullante) at isa lang ang magtuturo ng MMD (ako). Ngunit dahil kinansela na ang pagsasanay para sa MMD, kaming dalawa na ni Bb. Fullante ang magtuturo ng MMW.
Maaaring bumisita sa website ng Departamento ng Matematika ng ADNU ang mga interesado sa mga balita tungkol sa at mga materyales sa pag-aaral para sa MMW.
Matematika sa Makabagong Daigdig 